Top.Mail.Ru

bannerƏYALƏT

TƏCİLİ! Xankəndidə vəziyyət GƏRGİNLƏŞDİ: Paşinyanın qərarından sonra Qarabağ erməniləri…

Xankəndidə vəziyyət gərginləşib: Nikol Paşinyanın dekabrın 24-də keçirdiyi mətbuat konfransında səsləndirdiyi bəzi fikirlər və ondan sonrakı bir neçə qeydi Qarabağ ermənilərini xıyal qırıqlığına uğradıb.
KAİM.az xəbər verir ki, bu barədə Ermənistanın “Hraparak” qəzeti tazıb.
Qəzet bildirir ki, Qarabağ erməniləri düşünürlər ki, artıq rəsmi İrəvan bölgədən əlini üzüb. Onlar fkirləşirlər ki, Nikol Paşinyan hazırda Azərbaycanın yaratdığı reallığa zəmin hazırlayır.
“Onlar düşünür ki, Ermənistan artıq Əliyev və Ərdoğanla razılığa gəlib və İrəvan müstəqil Qarabağın olmadığı ssenarisi üzrə hərəkət edəcək”.
“Hraparak”ın məlumatına görə, Nikol Paşinyanın mətbuat konfransından sonra Qarabağı tərk  etmək niyyətinə düşən ermənilərin sayı kəskin şəkildə artıb. Hətta Qarabağı heç vaxt tərk etməyəcəklərini deyənlər də indi getmək haqda fikirləşirlər. Və qalsalar da, ailələrini çıxarmaq istəyirlər:
“Deyirlər ki, Paşinyan Qarabağı birdəfəlik təslim etmək qərarına gəlib və belə olan halda orada qalan ermənilərin aqibətinin necə olacağı məlum deyil, heç olmasa uşaqlarımızı çıxaracağıq ki, xilas olsunlar”.
“Hraparak” yazır ki, Paşinyanın mətbuat konfransı və açıqlamaları Xankəndidəki separatçıların “rəhbərliyi”nə və onların “əleyhdarları”na ciddi təsir edib.
Qəzetin məlumatına görə, Paşinyanın açıqlamaları Qarabağdakı separatçıları birləşməyə məcbur edib. Əgər bir il əvvəl separatçıların başçısı Arayik Arutyunyanı günahlandıraraq, onun istefasını tələb edənlər vardısa, bu gün onlar hələlik həmin tələbi saxlayıb birgə səylərlə Paşinyana qarşı çıxmaq haqda düşünürlər.
Xatırlaq ki, Nikol Paşinyanın dekabrın 24-də keçirdiyi mətbuat konfransındə bildirib ki, onun Baş nazir olmasından bir neçə il əvvəl ATƏT-in Minsk qrupu çərçivəsində Qarabağ münaqişəsinin tənzimlənməsi ilə bağlı aparılan danışıqların nəticəsi ermənilər üçün faciəvi olub və elə bir vəziyyət yaranıb ki, Qarabağın son statusunun dəqiqləşdirilməsi Azərbaycan Konstitusiyası əsasında baş verməlidir.
Ermənistan müxalifəti də bunu Paşinyan hakimiyyətinin Qarabağın “müstəqilliyi” ideyasından imtinası kimi qiymətləndirib. Qarabağdakı separatçıların qondarma “parlamenti” isə Paşinyanı sərt tənqid edib. Separatçıların “lideri” Arayik Arutunyansa deyib ki, “Qarabağın taleyi haqda yalnız orda yaşayan ermənilər qərar verə bilər”.
mənbə: Modern.az

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button