Top.Mail.Ru
ƏYALƏT

“Ermənistan peşəkar yalan sənətinə davam edir” – FOTO

Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev öz “Twitter” səhifəsində Ermənistan ordusunun müvəqqəti atəşkəsə əməl etmədiyini, bu gün Goranboy və Füzuli rayonunun kəndlərini raket atəşinə tutduğunu sübut edən fotolar paylaşıb.

KAİM.az “Ölkə.Az”-a istinadən xəbər verir ki, paylaşımda bunlar qeyd edilib:
“Ermənistanın Azərbaycana qarşı raket hücumları davam edir. Bu raket Füzuli bölgəsinin kəndlərinə yönəldilib, lakin xoşbəxtlikdən əkinçilik sahəsinə düşüb. Ermənistan bunu inkar etməyə davam edəcək. Ermənistan regional sülh və təhlükəsizliyə təhdid mənbəyi olaraq qalır”, – deyə H.Hacıyev qeyd edib.

Ali Baş Komandanın köməkçisinin digər “Twitter” paylaşımı isə Goranboy rayonun ərazisinə atılan raketlərlə bağlı olub.

“Ermənistan ordusu Azərbaycanın Goranboy bölgəsini çoxlu raket atəşinə məruz qoyub. ANAMA-nın mütəxəssisləri hadisə yerindədirlər və raketləri təsirsiz hala gətirmək üçün lazımi əməliyyatı həyata keçirirlər. Ermənistan peşəkar yalan sənətinə davam etməkdədir”, – H.Hacıyev qeyd edib.

Saytların yığılması Saytların yığılması

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir