“Artıq dünya gücləri Qarabağla bağlı qərar verdilər. Bu qərar ABŞ-ın NATO-dakı səfiri Key Hatçinsonun bəyanatından aydın sezilir”.
Bu sözləri haqqın.az və virtualaz.org saytlarının rəhbəri Eynulla Fətullayev özünün facebook səhifəsində bildirib.
O daha sonra yazıb: “Vaşinqton həm də Rusiyanın və Fransanın siyasi qərarını elan etdi – Qarabağ erməniləri yalnız Azərbaycanın tərkibində yaşaya bilər. Azərbaycanın suverenliyi və sərhədləri toxunulmazdır.
Həqiqətən, İlham Əliyev parlaq geosiyasi kombinasiya qurdu. Bu işdə Türkiyənin rolu da çox böyükdür. Təbrik edirəm Sizi, əziz dostlar. Bu çox böyük tarixi qələbədir!
Artıq yalnız texniki məsələlərin həlli qalır. Yəni, ordumuzun Şuşaya daxil olması!”
