Top.Mail.Ru
CƏMİYYƏT

İsveçdə “Ana dilim – Şirin dilim” adlı TƏDBİR KEÇİRİLİB-DİASPOR FƏALİYYƏTİ

İsveç Azərbaycanlıları Koordinasiya Şurasının təşəbbüsü, Koordinasiya Şurasının üzvü olan “Odlar Yurdu” İsveç–Azərbaycan Mədəniyyət Dərnəyinin və Skandinaviya Azərbaycanlıları Koordinasiya Şurasının təşkilatçılığı ilə Beynəlxalq Ana dili gününə həsr olunmuş “Ana dilim – Şirin dilim” adlı tədbir keçirilib.

KAİM.az xəbər verir ki, tədbirdə “Odlar Yurdu” İsveç–Azərbaycan Mədəniyyət Dərnəyinin sədri Sevinc Nemətova, Koordinasiya Şurasının İsveç, Finlandiya, Norveç üzrə əlaqələndiriciləri İradə Əliyeva Söderberg, Ülviyyə Cabbarova və Ramil Əliyev, Diasporla İş üzrə Dövlət Komitəsinin əməkdaşları, Almaniya, Türkiyə, Azərbaycanda yaşayan soydaşlarımız iştirak ediblər.

Tədbirdə çıxış edənlər Beynəlxalq Ana dili Gününün yaranma tarixi və mahiyyəti barədə danışıblar. Bildirilib ki, doğma dil hər bir xalqın milli-mədəni sərvətidir, çünki onu yaşadan və zənginləşdirən də cəmiyyətdir.

Qeyd edilib ki, yaşadığı ölkədən asılı olmayaraq hər bir insan öz Ana dilini bilməli, qorumalı və gələcək nəsillərə ötürməlidir. Skandinaviya ölkələrində Azərbaycan dili üzrə tədris və təbliğin ardıcıl, sistemli və əlaqələndirilmiş şəkildə genişləndirilməsi təşəbbüsü irəli sürülüb.

Tədbir azyaşlı uşaqların Ana dilinə həsr olunmuş şeirləri ifa etməsi və görkəmli Azərbaycan bəstəkarı Emin Sabitoğlunun bəstələdiyi “Şirin dil” mahnısının səsləndirilməsilə yekunlaşıb.

KAİM.az

Error 403 The request cannot be completed because you have exceeded your quota. : quotaExceeded

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button