CƏMİYYƏT
Heydər Əliyev Sarayı “Nizami Xəzinəsindən” layihəsini TƏQDİM ETDİ
Heydər Əliyev Sarayı “Nizami Xəzinəsindən” layihəsi çərçivəsində yeni romanslar təqdim etdi
KAİM.az xəbər verir ki, Dünya ədəbiyyatının görkəmli nümayəndəsi, dahi Azərbaycan şairi və mütəfəkkiri Nizami Gəncəvinin 880 illiyi ilə əlaqədar Heydər Əliyev Sarayı “Nizami Xəzinəsindən” adlı layihəsi çərçivəsində ədəbi-bədii musiqili kompozisiya hazırlayıb.
Layihədə gənc bəstəkar Saleh Nəzərovun Nizami Gəncəvinin sözlərinə yazdığı romanslar təqdim olundu. Sarayın mətbuat katibi Aytac Bağırlının sözlərinə görə, yeni romansları yaratmaqda məqsəd müasir istedadlı gənclərin bu layihəyə cəlb olunmasıdır. Romanslar Heydər Əliyev Sarayının nəzdində yaradılan “Perfect Troupe” gənc vokalçılar tərəfindən ifa edildi.
