Top.Mail.Ru
CƏMİYYƏT

Gənc azərbaycanlı musiqiçiyə Çexiyanın nüfuzlu mükafatı TƏQDİM EDİLİB

Çex Respublikasının Plzen Konservatoriyasında təhsil alan gənc və istedadlı soydaşımız Canel Nəcəfliyə “Orfeus” (Plzeský Orfeus) mükafatı təqdim edilib.

KAİM.az bildirir ki, mükafatların təqdimolunma mərasimi Bələdiyyə Sarayının mərasim salonunda təşkil edilib. Tədbirdə iştirak edən Pilzen şəhərinin rəsmiləri və “Plzen şəhərinin 700-cü ildönümü” Fondunun nümayəndələri 2020-ci il üzrə klassik musiqi sahəsində uğurlar əldə etmiş ifaçılara “Plzeský Orfeus” və “Plzeský Orfeus-junior” mükafatlarını təqdim ediblər.

Adətən bu nüfuzlu mükafata yerli tələbələr layiq görülürlər. İstedadlı skripka ifaçısı Canel Nəcəfli mükafatı alan ilk xarici tələbədir. Onun 2020-ci il nominasiyasında iştirak etməsi Plzen Konservatoriyasının rektoru Miroslav Breyxanın təşəbbüsü ilə baş tutub. Beynəlxalq mükafatlar laureatı olan Canel Nəcəfli hazırda Plzen Konservatoriyasında Roman Fedçukun sinfində və Bakı Musiqi Akademiyasında (qiyabi) təhsil alır.

Qeyd edək ki, ənənəyə görə fevralda keçirilən təntənəli mükafatlandırma mərasimi pandemiya səbəbindən təxirə salınmışdı.

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button