Top.Mail.Ru
CƏMİYYƏT

Əflatun Amaşov Elnur Əşrəfoğludan yazdı: “Gözləyirdim ki, möcüzə olacaq…” | Kaim

“Neçə vaxtdır, ümüdlə gözləyirdim. Gözləyirdim ki, möcüzə olacaq. Olmadı! Olmadı!”
Kaim.az xəbər verir ki, bu sözləri Mətbuat Şurasının sədri Əflatun Amaşov bu gün koronovirusdan vəfat edən tanınmış jurnalist Elnur Əşrəfoğlu barəsində yazıb.

“Amansız COVID Elnuru da aldı əlimizdən, kisəmizdən götürdü. Sarsıldım. Çox sarsıldım. Yaxşı jurnalistin yetişməsi çətin prosesdir. Yaxşı idman jurnalistinin yetişməsi sahənin spesifikliyi baxımdan daha çətindir məncə. Elnur yetişmişdi, püxtələşmişdi. Elnur Əşrəfoğlu adlı imza sahibiydi Elnur.
Elnur həm də sadə, səliqəli, böyük-kiçik yeri bilən, qayğıkeş bir insan olaraq da yetişmiş, formalaşmışdı. Bütün bunlara və sadalamadığım bir çox insani keyfiyyətlərinə görədir ki, yoxluğu çox ağırdır. Hədsiz ağır.
Jurnalist Elnur Əşrəfoğlunun doğmalarına, əzizlərinə, dostlarına və həmkarlarına dərin hüznlə başsağlığı verirəm.
Allah rəhmət eləsin. Nur içində yatsın!”.

Mənbə
KAİM.AZ

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button