Əfqanıstanın bütöv ordu korpusu “taliblər”ə təslim olub

Əfqanıstanın Silahlı Qüvvələrinin bütöv ordu korpusu ölkənin şimalında eyniadlı əyalətin inzibati mərkəzi olan Kunduz şəhəri yaxınlığında “Taliban” hərəkatının döyüşçülərinə təslim olub.

“Kaim” xəbər verir ki, bu barədə “The Washington Post” bildirib.

Qəzet qeyd edib ki, söhbət yüzlərlə əfqan hərbçisindən gedir. Əfqanıstanın Silahlı Qüvvələrinin iki zabitinin məlumatına görə, ordu korpusu bir neçə gün aeroporta yaxın Kunduz ətrafında hərbi bazada müqavimət göstərib, amma sonra kapitulyasiya elan edilib və hərbçilər silah və nəqliyyat vasitələri daxil olmaqla, zəruri avadanlıqları “taliblər”ə veriblər.