Top.Mail.Ru

DÜNYA

Vladimir Putin iranlı həmkarı ilə Əfqanıstandakı vəziyyəti MÜZAKİRƏ EDİB

Rusiya Prezidenti Vladimir Putin və İran Prezidenti İbrahim Rəisi arasında telefon söhbəti olub.

KAİM.az-ın “RİA Novosti”yə istinadən verdiyi xəbərə görə, bu barədə Kreml məlumat yayıb.

Məlumatda deyilir ki, hər iki ölkə rəhbəri Əfqanıstanda sülhün və sabitliyin bərqərar olmasına kömək etməyə hazır olduqlarını bəyan ediblər.

Loading...
Yazının davamı reklamdan sonra

Bundan əlavə, Putin və Rəisi İran nüvə razılaşmasının həyata keçirilməsinin bərpası perspektivlərini müzakirə ediblər və şəxsi təmasları davam etdirmək barədə razılığa gəliblər.

“Hər iki tərəf Rusiya-İran əlaqələrinin hazırkı səviyyəsindən məmnun olduqlarını ifadə edərək, çoxşaxəli qarşılıqlı əməkdaşlığın daha da inkişaf etdirilməsinin tərəfdarı olduqlarını qeyd ediblər. Bu kontekstdə ticarət və böyük ortaq layihələrin həyata keçirilməsi, koronavirusa qarşı mübarizə məsələləri müzakirə olunub”, – məlumatda vurğulanır.

KAİM.az

Bənzər yazılar

Bir cavab yazın

Sizin e-poçt ünvanınız dərc edilməyəcəkdir.

Back to top button