Top.Mail.Ru
DÜNYA

Bayden 11 sentyabr terror aktlarının ildönümü ilə bağlı xalqa müraciət edib

“Birlik amerikalıların kim olduqlarını göstərir, onlar bunu unutmamalıdırlar”.

“Kaim” xəbər verir ki, belə bəyanatla ABŞ prezidenti Cozef Bayden 2001-ci ilin 11 sentyabr terror aktlarının iyirminci ildönümü münasibəti ilə tvitterdə yerləşdirilmiş videomüraciətində çıxış edib.

“2001-ci ilin 11 sentyabrından 20 il sonra, biz 2 977 nəfər qurbanı xatırlayır, risk edənləri və canını qurban verənləri şərəfləndiririk. (Terrordan sonra-red) Günlərdə gördüyümüz kimi birlik bizim ən böyük gücümüzdür və bunu unutmamalıyıq”, – Bayden deyib.

“11 sentyabr 2001 -ci ildən sonra hər yerdə – gözlənildiyi və gözlənilmədiyi yerlərdə qəhrəmanlıq gördük. Biz həmçinin müstəsna bir şey gördük – əsl milli birlik, birlik və dözümlülük hissi, əziyyət qarşısında sağalma qabiliyyəti” – Ağ Ev rəhbəri əlavə edib.

Onun sözlərinə görə, amerikalılar ABŞ-s zərər vurmaq istəyənlərin hamısına izləniləcəklərini və cavab verməli olduqlarını göstəriblər. “Ancaq biz eyni zamanda insan təbiətinin qaranlıq qüvvələrinin, qorxu və qəzəbin, müsəlman amerikalılara, həqiqi və sadiq bir dinin ardıcıllarına qarşı kin və şiddətin şahidi olduq”, – prezident deyib.

Biz gördük ki, milli birlik necə pozulur. Biz bildik ki, bu birlik heç vaxt dağılmamalıdır. Birlik bizi kim olduğumuza, ən yaxşı şəkildə Amerikaya çevirən vasitədir”.

Baydenin sözlərinə görə, bu, onun üçün “11 sentyabrın əsas dərsi” olub. “Birlik bizim ən böyük gücümüzdür. Birlik o demək deyil ki, biz eyni şeyə inanmalıyıq. Biz bir-birimizə fundamental hörmət və inam nümayiş etdirməliyik”, – dövlət başçısı qeyd edib. O amerikalıları ümidsiz olmamağa, “qaranlıqda işıq axtarmağa” çağırıb.

Xatırladaq ki, “Al Qaidə” təşkilatının 2001-ci ilin 11 sentyabrında ABŞ-da törətdiyi silsilə terror aktları nəticəsində 2 977 insan həlak olub. On doqquz terrorçu kamikadze tərəfindən törədilən terro aktlarının qurbanları arasında ABŞ-la yanaşı digər 76 dövlətin vətəndaşları da var.

Terror aktlarının ən azyaşlı qurbanı 2 yaşlı Kristin Li Henson, ən qoca qurbanı isə (terrorçuların ələ keşirdiyi təyyarlərdən birinin sərnişini -red) 82 yaşlı Robert Nortondur.

Bu gün ABŞ-ın bir çox şəhərlərində terror aktları qurbanlarının xatirəsi anılır. Bu münasibətlə anım mərasimləri keçirilir.



Mənbə
KAİM.az

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button