Top.Mail.Ru
DÜNYA

Qotlanddakı Amerika artilleriyası Rusiya üçün siqnaldır – “O, gözlənilən yeganə təcavüzkardır”

İsveç və Amerika xüsusi təyinatlıları Qotland adasındakı birgə təlimlər zamanı yeni silahları, o cümlədən “Himars” uzaqmənzilli raket kompleksini sınaqdan keçiriblər. Moderator.az bildirir ki, bu barədə SVT kanalı ölkənin Müdafiə Nazirliyinə istinadən xəbər verir. Kanalın qeyd etdiyi kimi, bu cür vasitələr ilk növbədə Rusiyaya siqnal göndərmək, həmçinin Qotland üçün potensial təhlükəni ehtiva etmək üçün nəzərdə tutulub.

KAİM.az xəbər verir ki, həftə sonu birgə təlimlər zamanı İsveç və Amerika xüsusi təyinatlıları İsveç ətrafındakı regionda ümumi əməliyyat potensialını gücləndirmək üçün nəzərdə tutulmuş yeni vasitələri, eləcə də silahları sınaqdan keçirib.

Eyni zamanda İsveçdə keçirilən təlimlərdə Amerikanın “Himars” uzaqmənzilli raket kompleksindən ilk dəfə istifadə olunub. Bundan əlavə, göründüyü kimi, ilk dəfədir ki, İsveçdə bu qədər uzaq atəş məsafəli artilleriya yerləşdirilib.

Loading...

“Bildiyim qədər əvvəllər belə olmamışdı. Bu, Qotland üçün potensial təhlükənin qarşısının alınmasını gücləndirməyə yönəlmiş aydın və dəqiq bir siqnaldır”, – deyə İsveç Müdafiə Tədqiqatları İnstitutunun əməkdaşı Mikael Yonsson qeyd edib.

Onun sözlərinə görə, burada söhbət ilk növbədə Rusiyadan gələn təhlükənin qarşısını almaqdan gedir. “Rusiya gözlənilən mümkün yeganə təcavüzkardır”, – deyə ekspert izah edib.

“Lockheed Martin” kompaniyasının məlumatına görə, “Himars” kompleksi döyüş başlığından asılı olaraq 15 km-dən 499 km-ə qədər vura bilər. Bu o deməkdir ki, nəzəri cəhətdən qurğular hətta Rusiyaya qədər çata bilər. “Ancaq məqsəd bu deyil. Mən bu qurğunu ilk növbədə Qotlanda hücum təqdirində möhkəmləndirmə vasitəsi kimi görürəm. Fikrimcə, bu, Qotlandı müdafiə etmək üçün potensialımızı və öhdəliyimizi nümayiş etdirən hücum həddini yüksəltməyin bir yoludur”, – deyə Yonsson bildirib.

Bundan əlavə, digər ölkələrdə Rusiya ərazilərindəki potensial hədəflərə qarşı istifadə üçün daha uyğun olan müxtəlif platformalar var. Yonsson həmçinin vurğulayıb ki, Baltikyanı ölkələr və Polşa NATO-nun üzvüdür və hətta Rusiyaya İsveçdən daha yaxındılar.

mənbə: Moderator.az

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button