Top.Mail.Ru
DÜNYA

Şimali Koreya nüvə müharibəsi riski barədə xəbərdarlıq edib

ABŞ-nin təxribatçı hərəkətləri Koreya yarımadasında nüvə müharibəsinə səbəb ola bilər.

“Report” xəbər verir ki, bu barədə Koreya Fəhlə Partiyasının nəşri olan “Nodong Sinmun” məlumat yayıb.

Saytların yığılması Saytların yığılması

“Koreya yarımadasında münaqişə qızışarsa, bu, dünya nüvə müharibəsinə çevriləcək və bəşəriyyətə saysız-hesabsız fəlakətlər gətirəcək”, – Şimali Koreya qəzetində dərc olunan məqalədə deyilir.

Nəşr hesab edir ki, təcavüzkar müharibəyə başlamağa və qlobal təhlükəsizliyi tapdalamağa çalışan “imperialistlərə” qarşı bütün ölkələr birləşməlidir. Məqalə müəllifləri bildirirlər ki, KXDR münaqişə üçün yer olmayan dünya qurmaq üçün mübarizəni davam etdirəcək.

Bundan əvvəl Şimali Koreyanın şərq sahillərindən Yapon dənizinə doğru bir neçə qanadlı raket atdığı bildirilib. Cənubi Koreya ordusu monitorinqi gücləndirdiyini və Şimali Koreyanın hərəkətlərini izləmək üçün ABŞ ilə koordinasiya apardığını qeyd edib.

Bənzər yazılar