Top.Mail.Ru
GÜNDƏM

Azərbaycan-Ermənistan sərhədləri ilə bağlı VACİB AÇIQLAMA – “Azərbaycana XOŞ GƏLMİSİNİZ!”

10 noyabr üçtərəfli razılaşmasından sonra Azərbaycanla Ermənistanın dövlət sərhədlərinin hansı xəritələr əsasında müəyyənləşdirilməsini üç ölkənin-Rusiya, Ermənistan və Azərbaycanın güc strukturları müəyyən edib.

KAİM.az xəbər verir ki, bunu Ermənistan XİN-in mətbuat katibi Anna Nağdalyan Zəngilan-Qubadlı istiqamətində sərhədlərin niyə məhz 1975-1976-cı illərə aid sovet hərbi xəritələri əsasında müəyyən edildiyinə dair suala cavab verərkən bildirib. O deyib ki, XİN prosesdə iştirak etmirdi.

Sərhədlərin 70-ci illərə aid sovet hərbi xəritələri əsasında müəyyən edildiyini bundan əvvəl Ermənistanın baş nazirinin müavini Tiqran Avinyan açıqlamışdı. Onun sözlərinə görə, söhbət “müvəqqəti razılaşmadan” gedir və gələcəkdə sərhədlərin demarkasiyasına dair danışıqlar aparılmalıdır.

Xatırladaq ki, sərhədlərin müəyyən edilməsi nəticəsində Gorus və Qafanı birləşdirən avtomobil yolunun, eləcə də Şurnux kəndinin bir hissəsi Azərbaycanın nəzarətinə keçib. Hələlik ermənilərə bu yoldan maneəsiz istifadəyə imkan yaradılıb, amma onlar hər dəfə “Azərbaycana xoş gəlmisiniz!” sözləri yazılmış nəhəng plakatın qarşısından keçib gedirlər. /Virtualaz.org

Error 403 The request cannot be completed because you have exceeded your quota. : quotaExceeded

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button