İcra nümayəndəsi qayda pozuntusuna görə vəzifəsindən AZAD EDİLDİ

Masallı rayon İcra Hakimiyyətinin başçısı Şahin Məmmədov qardaşına yas mərasimi keçirən nümayəndəsini işdən çıxarıb.

KAİM.az Unikal.org-un əldə etdiyi məlumata istinadən bildirir ki, Ş.Məmmədovun əmri ilə, Masallı şəhər İcra nümayəndəsi Kamal Mazanov tutduğu vəzifədən azad olunub.

Qeyd edək ki, bir müddət öncə sabiq icra nümayəndəsinin qardaşının yas mərasimi keçirilib. Yas mərasimini təşkil edən və orada olan şəxslər barəsində karantin rejiminin tələblərini pozduğu üçün DİN-nin əməkdaşları İnzibati Xətalar Məcəlləsinin müvafiq maddəsi ilə protokol tərtib edib və toplanmış material baxılmasından ötrü Masallı Rayon Məhkəməsinə göndərib.