İran məktəblərində sosial-məişət problemləri
![](https://kaim.az/wp-content/uploads/2023/06/Iran-məktəblərində-sosial-məisət-problemləri.jpg)
İran hökumətinin iqtisadi siyasəti cəmiyyətin bütün sahələrində ciddi sosial-məişət problemləri yaradır. Bu acınacaqlı vəziyyət ölkənin təhsil sitemindən də yan keçməyib.
Kaim.az bildirir ki, “Məclis” araşdırmalar mərkəzinin açıqladığı statistikaya görə, ölkə üzrə şəhər və ya kənd yerlərində ümumilikdə 106 491 dövlət məktəblərinin 11%-də içməli su, 8,4%-də tualetlərin suyu, 17,94%-də tualet və ya yuyunma otağı, 28,86%-də maye sabunlu santexnika və s. 83,69%-də isə sanitar qovşağı yoxdur. “Tasnim” xəbər agentliyinin məlumatına görə, Təhsil nazirliyi öz növbəsində bu statistikanın əvvəlki illərə aid olduğunu və son illərdə Fərmanı Qərargahı və Xeyirxahlar Məclisinin əməkdaşlığı ilə yuxarıda toxunulan problemlərin həlli istiqamətində tədbirlər görüldüyünü bildirib. Bununla belə, Təhsil nazirliyi öz cavabında etiraf edib ki, hazırda ölkə məktəblərində müvafiq nazirliyin insan resurslarının planlaşdırılmasının minimum göstəricisi ilə müqayisədə (yəni hər 480 şagirdə bir tibb işçisinin təyin edilməsi) səhiyyə və şagird sağlamlığı ilə bağlı mütəxəssislərin sayı 20 minə yaxın azalma ilə üzləşir. Nazirlik hazırda şagirdlərin sağlamlığının qayğısına qalmaq məsələsinin həqiqətən də məktəblərin ciddi və fundamental problemlərindən biri olduğunu açıqlayıb. Kaim.az
:
İran
məktəblər