Milli komandaların FİFA reytinqi açıqlanıb – Azərbaycan millisi bir pillə irəliləyib

Milli komandaların FİFA reytinqi açıqlanıb.

KAİM.az xəbər verir ki, Azərbaycan yığması 1127 xalla dünya üzrə 128-ci sırada qərarlaşıb.

Canni de Byazinin rəhbərliyi altındakı milli komanda sonuncu dəfə martda açıqlanan cədvəllə müqayisədə 1 pillə irəliləyib.

Belə ki, üç ay öncə yığmamız 129-cu sırada yer almışdı.

Komandamızın irəliləyişinə Millətlər Liqasının iyun oyunları səbəb olub. De Byazinin yetirmələri 4 qarşılaşmada 4 xal toplayıb.

Qeyd edək ki, cədvələ 1838 xala malik Braziliya başçılıq edir.