“Neftçi”nin “Bakcell Arena”da məşq etməməsinin səbəbi açıqlanıb

“Neftçi”nin Avropa Liqasının III təsnifat mərhələsində Bakıda Finlandiya HIK-i ilə ilk oyundan əvvəl son məşqini Türk Hava Yolları Futbol Mərkəzinə salmasının səbəbi bəlli olub.

“Report”un məlumatına görə, bu barədə “ağ-qaralar”ın baş məşqçisi Samir Abasov mətbuat konfransında bildirib.

O, matçın keçiriləcəyi “Bakcell Arena”nın ot örtüyünü qorumaq üçün bu addım atdıqlarını söyləyib.

Qeyd edək ki. sabah gerçəkləşəcək “Neftçi” – HİK qarşılaşması saat 21:00-da başlayacaq.