Top.Mail.Ru

İDMAN

Namik Ələskərov: “Neftçi”yə qarşı haqsızlıq etməmişəm”

“Müqaviləmdəki şərtlərə uyğun olaraq azad agent statusu almışam və Türkiyə çempionatında oynamaq şansından yararlanmaq istəyirəm”.

KAİM.az-ın məlumatına görə, bu fikirləri Türkiyənin “Bursaspor” klubu ilə müqavilə imzalayan “Neftçi”nin sabiq futbolçusu Namik Ələskərov instaqram hesabında yazıb.

26 yaşlı yarımmüdafiəçi bildirib ki, məsələ aydınlıq gətirmək üçün sevdiyi və həmişə onu dəstəkləyən “Neftçi” azarkeşləri qarşısında hesab verməyi özünə borc bilib:

Loading...
Yazının davamı reklamdan sonra

“Bütün qaydalar və müqavilə şərtləri daxilində davrandığımdan, “Neftçi”yə qarşı haqsızlıq etmədiyimdən əmin olun. Ölkə xaricində oynamaq istəyi üstün gəldiyi üçün klubdan ayrılmaq məcburiyyətindəyəm. “Neftçi” klubunu, azarkeşlərini, komanda yoldaşlarımı, birlikdə qazandığımız qələbələri, çempionluğu unutmayacağam. Bu qələbələr üçün əlimdən gələn hər şeyi ən yaxşı şəkildə etdiyimə inanıram. Bu işdə mənə dəstək olmuş, üzərimdə haqqı olan hamıya təşəkkür edirəm”.

N. Ələskərov hər kəsin bir yol seçdiyini sözlərinə əlavə edib: “Mən bu seçimin astanasında olduğumu hiss etdim. Xaricdə oynamaq, qardaş Türkiyədə ölkəmizi uğurla təmsil etmək ən böyük arzumdur. İnanıram ki, sizin də dəstəyiniz və dualarınızla bu arzunu həyata keçirmək üçün düşən şansdan maksimum yararlanacağacam”.

Mənbə
KAİM.az

Bənzər yazılar

Bir cavab yazın

Sizin e-poçt ünvanınız dərc edilməyəcəkdir.

Back to top button