Top.Mail.Ru

İDMAN

Azərbaycan Premyer Liqası: “Qarabağ” “Səbail”i darmadağın EDİB

Futbol üzrə Azərbaycan Premyer Liqasında II tura yekun vurulub.

KAİM.az-ın məlumatına görə, turun son oyununda “Qarabağ” “Səbail”i qəbul edib. “Azersun Arena”dakı qarşılaşma Ağdam klubunun 3:0 hesablı qələbəsi ilə başa çatıb.

Görüşdə ilk qolu 30-cu dəqiqədə “köhlən atlar”ın hücumçusu Musa Qurbanlı vurub. İlk hissənin əsas vaxtına əlavə olunmuş 2-ci dəqiqədə dubl edən 19 yaşlı forvard komandasının üstünlüyünü artırıb – 2:0. Görüşdə son nöqtəni isə 75-ci dəqiqədə Filip Ozobiç qoyub.

Loading...
Yazının davamı reklamdan sonra

81-ci dəqiqədə “Qarabağ”ın heyətində Riçard Almeyda zədələnərək, meydanı tərk edib. 3 əvəzetmənin hamısı istifadə olunduğundan ağdamlılar son dəqiqələri 10 nəfərlə keçirib.

Bu qələbədən sonra xallarının sayını 4-ə çatdıran “Qarabağ” 2-ci pilləyə yüksəlib. “Səbail” isə 3 xalla 5-ci sıraya geriləyib.

Qeyd edək ki, günün ilk oyununda “Neftçi” səfərdə “Zirə”ni 2:1 hesabı ilə məğlub edib. Ötən gün baş tutan matçlarda isə “Qəbələ” evdə “Keşlə”yə 2:1, “Sumqayıt” isə “Sabah”a 2:0 hesabı ilə qalib gəlib.

Mənbə
KAİM.az

Bənzər yazılar

Bir cavab yazın

Sizin e-poçt ünvanınız dərc edilməyəcəkdir.

Back to top button