Top.Mail.Ru
İDMAN

Rafael Ağayevin olimpiadadan sonra çıxış edəcəyi ilk yarışın adı bəlli olub

Azərbaycanın titullu karateçisi Rafael Ağayevin Tokio-2020 Yay Olimpiya Oyunlarından sonra qatılacağı ilk yarışın adı bəlli olub.

“Report”un Dünya Karate Federasiyasının rəsmi saytına istinadən məlumatına görə, 75 kq çəki dərəcəsində mübarizə aparan idmançı oktyabrın 1-də Rusiyanın paytaxtı Moskvada start götürəcək Karate1 Premyer Liqa turnirinə qatılacaq.

Üç gün davam edəcək yarışda Azərbaycan 24 idmançı ilə təmsil olunacaq. 5 dünya və 11 qat Avropa çempionunun çəkisində digər azərbaycanlı Fərid Ağayev də mübarizə aparacaq.

Bundan əlavə, ölkənin qadın karateçisi İrina Zaretska 68 kq çəkidə qüvvəsini sınayacaq.

Qeyd edək ki, Rafael Ağayev və İrina Zaretska Tokio olimpiadasında gümüş medal qazanıb.


KAİM.az

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button