İDMAN
Məşhur futbolçu Ansi Aqollidən Azərbaycana dəstək: “Gəncə güclüdür”
Ermənistan silahlı qüvvələrinin Gəncə şəhərinə raket zərbələri nəticəsində törətdiyi terror hadisəsinə “Qarabağ”ın sabiq oyunçusu Ansi Aqolli də biganə qalmayıb.
“Report”un məlumatına görə, hazırda ABŞ-ın “Nyu-York Kosmos” klubunda çıxış edən 38 yaşlı sol cinah oyunçusu bununla bağlı özünün “Instagram” səhifəsində paylaşım edib.
Albaniyalı müdafiəçi üzərində “Ganja Strong! və Pray for Ganja” (Gəncə güclüdür və Gəncə üçün dua edin”) sözləri yazılmış foto paylaşıb.
Qeyd edək ki, Ansi Aqolli 2012 – 2019-cu illərdə “Qarabağ”ın formasını geyinib.
