Qaradərili futbolçunu öldürən polis işdən qovuldu
ABŞ-ın Texas əyalətində elektrik silahı ilə keçmiş amerikalı futbolçu Jonathan Price-i öldürən “Wolfe City” polisi Şaun Lukas işdən qovuldu.
“Wolfe City” səlahiyyətliləri tərəfindən edilən açıqlamada, qətldə şübhəli bilinərək tutulan 22 yaşlı polis Lukasın vəzifəsindən alındığı açıqlanıb. Açıqlamada Lukasın şəhər və polis idarəsi qaydalarını ciddi şəkildə pozduğuna görə qovulduğu bildirilib.
Qeyd edəki ki, ABŞ-da tez-tez qaradərili və polis arasında qalmaqal yaşanır. Məlumata görə son bir ildə 160-dan çox qaradərili Amerika polisi tərəfindən öldürülüb. Polisin qaradərilərə qarşı etdiyi zorakılıq insanların etirazına səbəb olur. ABŞ-da və hətta dünyanın bir sıra ölkələrində irqçilik və özbaşınalığına qarşı kütləvi etirazlar keçirilir.
Şəbnəm Zahir
KAİM.az