KRİMİNAL
DİN-dən xüsusi ƏMƏLİYYAT: Sumqayıtda oğrular və silahlı şəxslər saxlanıldı/FOTO
![](https://kaim.az/wp-content/uploads/2024/02/fb51a76a611aa4b3472528f118a01116-750x470.jpg)
Sumqayıtda silahlı və evlərdən oğurluqlar edən şəxslər saxlanılıblar.
KAİM.az DİN-in Mətbuat xidmətinə istinadən xəbər verir ki, Sumqayıt Şəhər Polis İdarəsinin 1-ci Polis Bölməsinin əməkdaşlarının Corat qəsəbəsində həyata keçirdikləri tədbir zamanı əvvəllər məhkum olunmuş 1978-ci il təvəllüdlü Sərdar Heydərov saxlanılıb. Ondan 1 ədəd “Kalaşnikov” markalı avtomat silah, 1 ədəd patron darağı və 36 ədəd patron aşkar olunaraq götürülüb.
Həmçinin, Sumqayıt ŞPİ-nin 1-ci PB əməkdaşları tərəfindən son bir neçə gündə keçirilən tədbirlər zamanı narkotiklərin qanunsuz dövriyyəsi ilə məşğul olan 15, evlərdən və avtomobillərdən oğurluqlar edən iki nəfər də saxlanılıb.
Faktlarla bağlı araşdırmalar davam etdirilir.