“Müharibə zamanı Nikol Paşinyan Rusiya Federasiyasından ödənişinin hələ edilmədiyi xeyli sayda silah və sursat əldə edib”.
Qazet.az xəbər verir ki, bunu erməni siyasi xadim Ara Vardanyan deyib. O bildirib ki, Baş nazirin yanvarın 11-də Rusiyaya edəcəyi səfəri zamanı eyni addım atılacaq:
“Ehtimal ki, Paşinyan həmin səfər zamanı silahların alınması üçün yeni bir kredit müqaviləsi imzalayacaq. Bu, təxminən 500 milyonla 1,5 milyard dollar arasındadır. Moskvadan qayıtdıqdan sonra isə Nikol silah alışı üçün nəzərdə tutulan borc müqaviləsini bir “nailiyyət” olaraq təqdim edəcək. Aydındır ki, o, bunu Ermənistan-Rusiya münasibətini qorunması üçün parlaq bir nümunə kimi göstərəcək, təfərrüatları isə ictimaiyyətdən gizlədəcək.
