Top.Mail.Ru
MANŞET

Bakıda 3 polis əməkdaşı, 1 mülki şəxs tərəfindən qətlə yetirildi – Cinayəti törədən Rövşən görün kimdir…VİDEO

Xəbər verdiyimiz kimi paytaxtın Xəzər rayonu Şüvəlan qəsəbəsində iyunun 24-də əvvəllər dəfələrlə məhkum olunmuş, hazırda axtarışda olan 1986-cı təvəllüdlü Allahverdiyev Rövşən Oqtay oğlu polis əməkdaşları tərəfindən saxlanılarkən silahlı müqavimət göstərilib.

O, polis əməkdaşlarına mane olmaq məqsədilə ailə üzvlərini önə verərək yayınmağa və cavab tədbirlərinin qarşısını almağa cəhd etmiş, yaranmış vəziyyətdən istifadə edərək “Lancaster” markalı ov silahından atəş açaraq 3 nəfər polis əməkdaşını və 1 nəfər mülki vətəndaşı qətlə yetirmişdir.

Saytların yığılması Saytların yığılması

Davam etdirilən tədbirlərlə R.Allahverdiyev polis əməkdaşları tərəfindən zərərsizləşdirilmişdir.

KAİM.az Real TV-nin hadisə yerindən hazırladığı reportajı təqdim edir:

Xəzər rayonu, Şüvəlan qəsəbəsində 1986-cı təvəllüdlü Rövşən Oqtay oğlu Allahverdiyev polis əməkdaşları tərəfindən saxlanılarkən silahlı müqavimət göstərib və ov tüfəngi ilə 3 polis əməkdaşını, bir mülki şəxsi qətlə yetirib.

Yayılan rəsmi məlumatda Rövşən Allahverdiyevin əvvəllər dəfələrlə məhkum olunduğu göstərilsə də, konkret hansı maddələrlə cinayət məsuliyyətinə cəlb edildiyi barədə məlumat verilmir.

Qeyd olunur ki, o, axtarışda olub.

KAİM.az AFN.az-a istinadla xəbər verir ki, bu ilin aprel ayında Bakı sakini Abbas Dadaşov Əmlak Məsələləri Dövlət Xidmətinin rəis müavini Rüstəm Şahbazovun qardaşı Teymur Şahbazovdan şikayətçi olduğunu bildirib. AFN-ə açıqlamasında deyib ki, Teymur Şahbazov qardaşının adından və mövqeyindən sui-istifadə edərək, Sumqayıt şəhəri, Koroğlu küçəsində, Əmlak Komitəsinin Sumqayıt şöbəsinin yaxınlığında yerləşən 0.68 ha boş torpaq sahəsinin sənədləşdirilməsi üçün ondan külli miqdarda pul alıblar.

Teymur Şahbazov şikayətçini Rövşən Allahverdiyevlə birgə aldadıb. Abbas Dadaşovun sözlərinə görə, ondan üst-üstə 236 min manat pul alıblar.

Bildirilib ki,  Rövşən Allahverdiyev Xəzər rayon polis idarəsi tərəfindən axtarışda olub. Ona qarşı Cinayət Məcəlləsinin 178-ci maddəsinin 2.1, 2.2, 3.4-cü hissələri ilə ittiham irəli sürülüb.

Bənzər yazılar