QAFQAZ XƏBƏRLƏRİ
Mamicanyandan Paşinyanla bağlı İLGİNC AÇIQLAMA – Türkiyə və Azərbaycan…
“Türkiyə və Azərbaycan Ermənistanda hakim partiyanın onların maraqlarına xidmət etdiyini gizlətmir”.
Musavat.com xəbər verir ki, bunu erməni müxalifətçi deputat Ayk Mamicanyan hakim “Vətəndaş sazişi” partiyasından olan deputat Xaçatur Sukiasyanın açıqlamalarını şərh edərkən deyib.
“Bu günə qədər bunu heç bir açıqlama vermədən etdilər. Polisin himayəsi altında insanları həbs edib, bir nəfəri yaralayıblar. İndi bu barədə ucadan danışmağa başlayıblar. Onlar məndən başlaya bilərlər – məni əmlakımdan məhrum edə, həbsxanaya salıb öldürə bilərlər”, – deyə Mamicanyan bildirib.
Bundan əvvəl Sukiasyan parlamentin tribunasından qalmaqallı bəyanatla çıxış edərək, müxalifəti həbsxanalarla, ölümlə və mülklərindən məhrum edilməklə hədələyib.
