Top.Mail.Ru

SİYASƏT

Aİ: “Rusiya nefti ilə qarışıq yüklər Avropaya buraxılmayacaq”

Avropa İttifaqı (Aİ) neft idxalçılarına müqavilələrdə tədarük etdikləri neftin tərkibində Rusiya neftinin olmadığını göstərməyi tövsiyə edib. Belə ki, başqa mənşəli neftlə qarışıq halda tədarük olunan Rusiya neftinə də embarqo tətbiq edilir və idxalçılar sanksiya tələblərinə riayət olunmasına görə məsuliyyət daşıyır.

KAİM.az xəbər verir ki, bu barədə Aİ-nin rəsmi jurnalında bildirilir.

“İdxalçılara alış-satış müqaviləsində ixraçatçının həmin neftin tərkibində Rusiya neftinin olmadığı barədə bənd əlavə etmək tövsiyə olunur. Əks halda onlar həqiqəti əks etdirməyən hər hansı bəyanatlara görə məsuliyyət daşıyır”, – sənəddə deyilir.

Loading...
Yazının davamı reklamdan sonra

Rusiya nefti ilə qarışdırma halına yol verməmək üçün kimyəvi təhlillər aparmaq və onun mənşəyini müəyyən etmək tövsiyə olunur.

Sənəddə deyilir ki, qarışıq məhsul Aİ-yə idxal edilirsə, idxalçı Rusiya və qeyri-Rusiya neftinin payını dəqiq müəyyən etməlidir. Bu halda yalnız qeyri-Rusiya neftinin payına uyğun neft boşaldılacaq. Yükün qalan hissəsinin Aİ ərazisinə buraxılmasına icazə verilməyəcək. Yükün tərkibindəki Rusiya neftinin payını müəyyən etmək mümkün olmazsa, partiya bütövlükdə Aİ ərazisinə buraxılmayacaq.

Bənzər yazılar

Bir cavab yazın

Sizin e-poçt ünvanınız dərc edilməyəcəkdir.

Back to top button