TƏHLÜKƏ! İsrail vətəndaşlarını Azərbaycan və Türkiyəyə getməməyə çağırdı – SƏBƏB

İsrail Təhlükəsizlik Şurası vətəndaşları üçün xaricdə terror təhdidi ilə bağlı yeni xəritə yayımlayıb.

KAİM.az xəbər verir ki, şura terror təhdidinin əsasən İrandan gələcəyini bildirib.

Tehranın yəhudilərə, xüsusən, müsəlman ölkələrində zərbə endirməyə çalışacağı vurğulanıb. Buna görə də İsrail vətəndaşlarına Gürcüstan, Azərbaycan, Əbu-Dabi, Dubay, Bəhreyn, İraq Kürd Muxtar Vilayəti, Bəhreyn, Türkiyə, İordaniya və Misirə getməməyi tövsiyə edib.

İsrail vətəndaşlarına həmçinin İŞİD-in də təhdid yaradacağı qeyd edilib. Üstəlik, İsrail obyektlərinə Avropada da zərbə endirilə biləcəyi vurğulanıb.