İsrail ordusu qəfil əks-hücum KEÇDİ: HƏMAS darmadağın edildi, bütün ərazilər AZAD OLUNDU – yüzlərlə ölü və yaralı var
“İsrail hərbçiləri ölkə ərazisinə nəzarəti bərpa etdikdən sonra HƏMAS-a qarşı hərbi əməliyyatın hücum mərhələsinə keçir”.
Musavat.com xarici KİV-ə istinadən xəbər verir ki, bunu İsrail ordusunun sözçüsü Daniel Həcəri bildirib.
“Hücuma keçdik. İsrail ordusu Qəzzada yüzlərlə terrorçunu məhv edib”, – o deyib.
İsrail ordusu HƏMAS-ın ələ keçirdiyi bütün ərazilərdə nəzarəti bərpa edib.
“Report” xəbər verir ki, bu barədə İsrail Müdafiə Ordusunun nümayəndəsi, kontr-admiral Daniel Həcəri məlumat verib.
Onun sözlərinə görə, hazırda həmin ərazilərin heç birində hərbi əməliyyatlar aparılmır.
Xatırladaq ki, oktyabrın 7-də səhər saatlarında İsrail ərazisi Qəzza zolağından raket atəşinə tutulub. Nəticədə 700-dən çox adam ölüb, 2 315 nəfər yaralanıb. İsrail ordusu “müharibə hazırlığı vəziyyəti” elan edib və cavab olaraq “Dəmir Qılınclar” əməliyyatına başladığını bildirib.
