Son 6 ayda 153 mindən çox şəxsə sosial sığorta ödənişləri edilib – RƏSMİ

Son 6 ayda DSMF tərəfindən 153 mindən çox şəxsə sosial sığorta ödənişləri edilib.

Əmək və Əhalinin Sosial Müdafiəsi Nazirliyindən Kaim.az-a verilən məlumata görə, ƏƏSMN-nin tabeliyindəki Dövlət Sosial Müdafiə Fondu tərəfindən cari ilin ilk yarısında ümumilikdə 153 474 şəxsə sosial sığorta ödənişləri həyata keçirilib. Onlardan 51 674-nə əmək qabiliyyətinin müvəqqəti itirilməsinə görə, 9 270-nə hamiləlik və doğuşa görə bu ödənişlər edilib. Həmçinin 33 316 şəxsə uşağın anadan olmasına görə birdəfəlik müavinət, 58 095 şəxsə 3 yaşınadək uşağa qulluqla əlaqədar aylıq sosial müavinət ödənilib. 1 119 şəxs üzrə isə dəfn xərci olaraq birdəfəlik müavinət verilib. Qeyd olunan ödənişlər üçün ümumilikdə 42,5 milyon manata yaxın vəsait ödənilib.

Mənbə
KAİM.AZ