Top.Mail.Ru
Uncategorized

Baş nazir təhsillə bağlı qərar verdi » DataLife Engine

Baş nazir təhsillə bağlı qərar verdiBaş nazir Novruz Məmmədov “Peşə təhsili müəssisələrində əlavə müayinə və müalicəyə ehtiyacı olan şəxslərə əlavə müalicə-bərpa xidməti göstərilməsi Qaydası”nın təsdiq edilməsi haqqında qərar imzalayıb.

“Qafqazinfo” xəbər verir ki, qərar “Peşə təhsili haqqında” 2018-ci il 24 aprel tarixli 1071-VQ nömrəli qanununun tətbiqi barədə“ prezidentin 2018-ci il 18 iyun tarixli 140 nömrəli Fərmanının 1.1.8-ci yarımbəndinin icrasını təmin etmək məqsədi ilə həyata keçirilir. Bu qayda “Peşə təhsili haqqqında” qanunun 15.3-cü maddəsinə əsasən hazırlanıb və peşə təhsili müəssisəsində əlavə müayinə və müalicəyə ehtiyacı olan şəxslərə əlavə müalicə-bərpa xidmətinin göstərilməsi qaydasını müəyyən edir.

Peşə təhsili müəssisəsində əlavə müayinə və müalicəyə ehtiyacı olan şəxslər üçün fərdi qaydada aparılacaq müalicə-bərpa xidmətləri ərazi dövlət tibb müəssisələri tərəfindən müəyyən edilir. Peşə təhsili müəssisəsində müalicəyə və ya müalicəbərpa xidmətinə ehtiyacı olan yetkinlik yaşına çatmayan şəxslərə, təxirəsalınmaz hallar istisna olmaqla, digər tibbi xidmətlər onların valideynlərinin və ya qanuni nümayəndələrinin yazılı razılığı ilə göstərilir.

Peşə təhsili müəssisəsində əlavə müayinə və müalicəyə ehtiyacı olan şəxslərə əlavə müalicə-bərpa xidmətləri dövlət büdcəsi vəsaiti hesabına göstərilir.

SƏNUBƏRİN ƏMƏKDAR MÜƏLLİMƏ,QƏTİBƏ XANIMLA SƏMİMİ SÖHBƏTİ

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button