“Azərişıq” ASC-nin "Cənub” Regional Enerji Təchizatı və Satışı İdarəsinin (RETSİ) Yardımlı rayon şöbəsinin müdiri Miralimin yarıtmaz fəaliyyəti ilə bağlı narazılıqlar artmaqda davam edir. KAİM.az xəbər verir ki, "Cənub” Regional Enerji Təchizatı və Satışı İdarəsinin (RETSİ) Yardımlı rayon şöbəsinin müdirinin davamlı uğursuz fəaliyyətindən daha çox əziyyət çəkən Yardımlı rayon sakinləridir. Narazı olan sakinlərdən Bəhruz Bayramov və Ülvü Bayramlı konkret olaraq "Cənub” Regional Enerji Təchizatı və Satışı İdarəsinin Yardımlı rayon şöbəsi müdiri Miralimdən narazılıq edirlər. Vətəndaşların şikayət məktubunda, Yardımlı rayon işıq idarəsinin vəzifəliləri onların başına açdığı oyunlardan söz açaraq, özündən razı müdirin və işçilərin heç kimi saymadıqlarını, özlərini idarə rəisindən və hətta nazirdən belə üstün hesab edən Miralim və ekibinin yarıtmaz fəaliyyətlərini qeyd edirlər. Güclərinin, cansularını görünməz "kirişa"larından alan "Cənub” RETSİ-nin Yardımlı rayon şöbəsinin müdiri və həvariləri köhnəni təzə, yaranmayanı yaranan edə biləcək möcüzələrə qadir olduqları, dəfələrlə icad etdikləri də vətəndaşların şikayətində deyilib. Bildirirlər ki, bir qərinəyə yaxın yaşadıqları ərazidən keçən işıq dirəkləri və elektirik xətti yenilənmədiyi üçün bərbad vəziyyətdədir. Külək və yağmurlu havada enerji kəsintiləri baş verir və bu hal saatlarla, həttda günlərlə sürür. Yardım üçün rayon işıq idarəsinə mürəciət edəndə də tələbimiz qulaqardına vurulur. Aylardı işığa borcu olanları narahat edən belə yoxdu, vaxtında işıq pulunu verən bizlər isə əziyət çəkir, haqqımızı tələb edəndə də təhqirlərə və süründürməçiliyə məruz qalırıq. Bizlərlə işıq idarəsinin vəzifəliləri arasında gedən "müharibə" bu gün də bu formada davam edir..." Qeyd edək ki, "Azərişıq" ASC-nin "Cənub” RETSİ-nin müdiri Elgün Məmmədovun təyinatından sonra regiona kifayət qədər lazım olan mal-materialları ayrılsa da, təəssüf edirik ki, ayrılan mal-materialların hara və kimlər üçün istifadə olunduğu araşdırılmadığı üçün, Yardımlı rayonunun işıq idarəsinin müdiri yalnız öz yaxınlarını, doğulduğu kəndi və ona yaxın kəndləri nura boyayıb. Xatırladaq ki, Yardımlı rayonu 86 kəddən ibarətdir və əksəriyətində də elektrik xətti bərbad vəziyyətdədir. "Azərişıq" ASC-nin "Cənub” RETSİ-nə yeni müdir - Elgün Məmmədov təyin olunanda, hamı düşünürdü ki, Yardımlı rayon işıq sahəsində nəhayət sular durulacaq. Hətta, Azərişıq" ASC-nin "Cənub” RETSİ-nə yeni təyinat alan müdirini çoxları islahatçı kadr kimi bəh-bəhlə tərifləyirdi. Amma, təəssüflər olsun ki, belə olmadı. Yeyintini daha yaxşı bilən köhnə kadrlar Yardımlı rayonunda güclərini birləşdirərək islahata imkan vermədilər. Bununla da Yardımlı rayon işıq idarəsinin FATİHƏSİ verildi, SALAVATI göndərildi. Bildirək ki, əvvəllər olduğu kimi indi də Yardımlı işıq idarəsində qohumbazlıq, dostbazlıq, rüşvətxorluq və korrupsiya halları davam edir. Yardımlı işıq idarəsinin müdiri Miralim abonəçilərlə kobud raftar etdiyi kimi, öz işçiləri ilə də yola getmir, hədə-qorxu diliylə raftar edir. Bu cür rəftar da abunəçilər kimi öz işçilərini də təngə gətirib. Azərişıq" ASC-nin "Cənub” RETSİ-nin müdiri, hörmətli Elgün Məmmədovdan xahiş edirik ki, Yardımlı rayon İşıq idarəsinin vəzifəlilərindən bezən vətəndaşlara kömək əlini uzatsın, seçkiöncəsi işıq idarəsindən narazı rayon camaatını hökümətə qarşı qaldırmaq istəyən yarıtmaz idəarəçi vəzifə sahiblərinə yerini göstərsin! Qarşı tərəfi dinləməyə hazırıq! KAİM.az
