İDMAN
“Fənərbaxça”nın 3 futbolçusunda COVID-19 aşkarlandı
Türkiyənin “Fənərbaxça” klubu koronavirus testinin nəticələrini açıqlayıb.
KONKRET.az xəbər verir ki, “sarı-lacivərdlilər”də 3 nəfərin testi pozitiv çıxıb. Məşqçi korpusu, futbolçu heyəti və klub işçilərindən götürülən testin nəticəsinə əsasən, 3 futbolçunun virusa yoluxduğu aşkarlanıb. Adları açıqlanmayan həmin oyunçular artıq təcrid olunublar.
Qeyd edək ki, “Fənərbaxça” bu gün start verilən Super Liqanın XV turunda istirahət edəcək.
