İDMAN
XXI əsrin ən yaxşı məşqçisi MƏLUM OLDU
Beynəlxalq Futbol Tarixi və Statistikaları Federasiyası XXI əsrin ən yaxşı məşqçilərinin siyahısını hazırlayıb.
KAİM.az xəbər verir ki, siyahı federasiyanın rəsmi saytında dərc edilib.
Siyahıya portuqaliyalı futbol mütəxəssisi, “Tottenhem”in baş məşqçisi Joze Mourinyo başçılıq edir. Qeyd olunur ki, J.Mourinyo dörd dəfə dünyanın ən yaxşı məşqçisi mükafatına (2004, 2005, 2010, 2012-ci illər) layiq görülüb. Ayrıca, o, son 16 ildə mütəmadi olaraq dünyanın ən yaxşı 10 məşqçisi arasında yer alıb.
Siyahının ikinci sırasında Almaniya yığmasına rəhbərlik edən Yoahim Löv yer alıb.
“Mançester Yunayted”in sabiq baş məşqçisi Aleks Ferqyusson və “Mançester Siti”nin hazırkı çalışdırıcısı Xosep Qvardiola isə öz aralarında üçüncü yeri bölüşürlər./oxu.az
KAİM.az
