Çirkli pulların yuyulması ilə bağlı nazirdən AÇIQLAMA – Əkrəm İmamoğlunun yaxın adamı…
İstanbul bələdiyyə sədri Əkrəm İmamoğlunun ən yaxın adamlarından biri olan Fatih Keleşin pul sayarkən yayılan görüntüləri qalmaqala səbəb olub.
Musavat.com xəbər verir ki, məsələ ilə bağlı Türkiyənin Ədliyyə naziri Yılmaz Tunç açıqlama verib.
“Bu məsələnin lehinə və əleyhinə çoxlu açıqlamalar var. İstintaq başladılıb, ianə etməyin də qaydaları var. Hazırda görüntülərdəki şəxslərin ifadələri alınır. Əgər çirkli pul məsələsi varsa, hamısı istintaq zamanı üzə çıxacaq”,-deyə Yılmaz Tunç bildirib.
Yılmaz Tunç daha sonra bildirib ki, prokurorluq bütün şübhələri aradan qaldıracaq geniş bir araşdırma aparacaq: “Siyasi partiyalar haqqında qanuna görə ianənin forması və miqdarı müəyyəndir. Ona görə də təbii ki, prokurorluq bu pulların mənbəyini araşdıracaq. Şübhələri aradan qaldıracaq bir araşdırma olacaq.
