“Rusiya sülhməramlılarının müvəqqəti yerləşdiyi Azərbaycan ərazisindəki qanunsuz erməni silahlı dəstələri arasında atışma baş verib”.
KAİM.az xəbər verir ki, bu barədə Müdafiə Nazirliyi məlumat yayıb.
Bildirilib ki, əvvəlcə qarşı tərəfin bir neçə sərxoş silahlısı digər yoldaşları ilə əlbəyaxa çıxıb:
“Sonra onların olduqları yerdə partlayış müşahidə edilib.
İlkin ehtimala görə, atışma nəticəsində qarşı tərəfdən ölən və yaralananlar var.
Bildiririk ki, baş vermiş hadisəyə Azərbaycan Ordusunun heç bir aidiyyəti yoxdur”.
Qeyd edək ki, Ermənistanın ombudsmanı Arman Tatoyan bir neçə dəqiqə öncə Xocavənd rayonunun Yenikənd ərazisi yaxınlığında 2 erməninin öldürüldüyünü və 6 nəfərin də yaralı olduğunu təsdiq edib. O bildirir ki, şiddətli atışmalar davam edir.
“Hazırda dəqiq bilinən odur ki, döyüşlər Əsgəran qalası yaxınlığındakı postlarımız istiqamətində gedir. Təcili yardım maşınları yaralıları xəstəxanaya çatdırır”.
