Politoloq Fikrət Sadıxov deyir ki, Azərbaycan otuz ilə yaxın müddət ərzində işğal altında qalmış topraqlarını azad etməklə ərazi bütövlüyünü bərpa etməyə qadir olduğunu göstərdi.
“Bu, ilin ən rezonanslı hadisələrindən biri idi. İlin ən önəmli hadisələri sırasında ABŞ-da keçirilmiş prezident seçkilərini qeyd etmək lazımdır. Bu seçkilər qarşıdurma şəraitində keçdi və əvvəlki seçkilərə bənzəmirdi. Eyni zamanda bu il Böyük Britaniyanın Avropa Birliyini tərk etmə prosesi başa çatdı. Bu da AB-nin iqtisadi, siyasi gücünə təsirini göstərdi. Bir daha bildirmək istəyirəm ki, bu il Dağlıq Qarabağ münaqişəsini həll etməklə biz regiondakı geosiyasi mənzərəni dəyişdik”.
