127 min dollar maaşla it baxıcısı axtarılır
Böyük Britaniyadan olan amerikalı milyarderlər ailəsi illik 127 min dollar maaşla itləri üçün tam ştatlı baxıcı axtarır.
Bu barədə NY Post məlumat yayıb. Yerli kadr agentliyi “Fairfax” və “Kensington” tərəfindən dərc edilən elanda deyilir ki, seçilmiş namizəd Londonun yüksək səviyyəli bölgəsindəki ailənin evində yaşayacaq və “itlərə misilsiz qayğı və diqqət göstərəcək, onlara dəyərli ailə üzvləri kimi baxacaq”. Elanda deyilir ki, müraciət etmək niyyətində olan şəxs itlərin ehtiyaclarını ödəmək üçün axşamlar, həftə sonları və bayram günləri də daxil olmaqla qeyri-müntəzəm saatlarda işləməyə hazır olmalıdır: “Sadiq müştərimiz iki sevimli itinə birinci dərəcəli qulluq göstərəcək çox təcrübəli it baxıcısı axtarır. Bu, öz sahəsində itlərin ümumi rifahını, xoşbəxtliyini və təhlükəsizliyini təmin edə bilən bir guru olmalıdır”. Kaim.az
