“Qarabağ” “Braqa”nı darmadağın edib
Portuqaliyada “Braqa” və “Qarabağ” komandaları arasında keçirilən UEFA Avropa Liqasının pley-off mərhələsinin ilk oyunu keçirilib.
Ucnoqta.az xəbər verir ki, qarşılaşma Azərbaycan təmsilçisinin böyükhesablı qələbəsi ilə yekunlaşıb. Oyun Bakı vaxtı ilə saat 00:00-da start götürüb. Hesabı oyunun 21-ci dəqiqəsində “Qarabağ” açıb. Marko Yankoviç penalti zərbəsində dəqiq olub.
Matçın 44-cü dəqiqəsində “Braqa” Simon Banzanın qolu ilə tarazlığı bərpa edib (1:1). 54-cü dəqiqədə Abdullah Zubir rəqibin qapısından ikinci topu keçirib (2:1).
Ağdam təmsilçisinin heyətində Olavio Juninyo 65-ci dəqiqədə hesab arasındakı fərqi daha da artırıb (3:1).
Abdullah Zubir 69-cu dəqiqədə hesab arasındakı fərqi 3 topa çatdırıb (4:1). Oyunun əsas vaxtına əlavə edilmiş dəqiqələrdə rəqib penaltidən hesab arasındakı fərqi azaldıb (2:4)
Görüşü Danimarkadan olan hakim Morten Kroq idarə edirdi.
Tərəflər arasında cavab görüşü fevralın 22-də Tofiq Bəhramov adına Respublika stadionunda keçiriləcək.
