Türkiyənin “Ahaber.com.tr” saytı döyüşlərin 13-cü günündə cəbhədə nələr baş verdiyini və hərbi əməliyyatların hansı vəziyyətdə olduğu barədə məlumat verib.
Məlumatına görə, saytın cəbhə bölgəsinə ezam olunmuş müxbiri bildirib ki, Azərbaycan Ordusu zəfərə addım-addım yaxınlaşarkən işğalçı Ermənistan dinc əhalini hədəf almağa davam edir.
Qeyd olunur ki, Azərbaycan Ordusu hərəkatın 13-cü günündə Qarabağda irəliləyir, Ermənistan ordusuna çox ağır zərbələr endirir. Azərbaycan Ordusu istiqamətini Şuşa və Xankəndiə doğru çevirib. Bölgədəki təxminən 15 minə yaxın erməni əsgərinin mühasirəyə alınması planlaşdırılır. Bir gündə Ermənistana aid olan 10 tank məhv edildi.
Bildirilir ki, hər prospektdə, hər küçədə Azərbaycan Prezidenti İlham Əliyevin, Türkiyə Prezidenti Rəcəb Tayyib Ərdoğanın və Pakistan Prezidenti Arif Alvinin asılan fotoları dünyaya qəti mesajlar verir.
